زوجه للبيت فقط بقلم زهره الربيع

واحده..انا حاليا مش هاممني امرك لا مجروح منك ولا غيرت عليكي ولا حتى همني موضوعك مجرد واحده كنت معاها لقيتها فتحت فرع جديد فسبتها بس يا حياتي... فشوفي لك حد غيري لاني مستحيل ارجع لك
لسه هيمشي قالت پغضب شديد..انا .. دلوقتي علشان اتجوزت بتقولي كده....لتكون فاهم ان اللي معاك دي بريئه 
بس قاطعها وقال پغضب...سيرتها ما تجيش على لسانك ..حسناء حاجه انضف بكثير من اللي زيك يذكرها... قال كده ومشي

واول ما بعد طلعت حسناء من جنب المكان اللي كانو واقفين فيه ... كانت واقفه وبتسمعهم وهي مبسوطه جدا ولسه هتمشي اتفاجئت بحد مسكها من قفاها زي الحراميه
التفتتلو پخوف وكان جسار بصلها بغيظ وقال .....انا اعمل فيك ايه.... طب احترمي الحجاب اللي على دماغك ده وبطلي تتصنتي وتلمعي أوكر
حسناء قالت بتوتر.... لا لا ما كنتش بتصنت ..انت فهمت غلط انا انا كنت جايه انده لك وبعد كده سمعتكم بالصدفه 
جسار قال بعدم تصديق...اممم صدقتك اوي ...يلا انجري معايا 
حسناء قالت ....طيب تسيبني يا جدع مش هينفع تفضل ماسكني كده قدام الناس عيب يقولو عليا ايه نشلت محفظتك
جسار اتنهد وسابها وهيه بقت ترتب هدومها وهي بتبتسم وقالت..... بس انت جدع يعني..عجبتني و انت بتدافع عني 
جسار ابتسم وقال ...طب يلا يا اختي الناس مستنيانا 
وراحوا قعدوا تاني مع اصحابهم وفضلو يهزرو طول اليوم
بالليل كانو مجتمعين وبيلعيو لعبه الصراحه ومبسوطين جدا 
وجيه الدور على حسناء و كانوا المفروض يسألوها ...واحده من البنات قالت ..ها بقى يا حسناء دورك نسالك قولي لنا بقى ازاي كانت علاقتك مع جسار يعني حبيتو بعض ازاي
جسار
فرك دماغه بحرج لانهم متكلموش مع بعض غير يوم الفرح وبطريقه مش كويسه وقال ...يا جماعه ايه السؤال ده 
البنت قالت باصرار لا ملناش دعوه ده سؤال حسناء مش سؤالك انت
حسناء ابتسمت وهي بتبص له وكانت متردده بس قررت تتكلم وقالت ...هو الصراحه باباه وبابا اصدقاء من زمان...وكنا نزور بعض بس كل فترات ...بس في مره باباها كان ماسكلنا مشروع تصميمات لمزرعه عندنا ....وتعب في نص المشروع وكان هيشرف عليه بنفسه بس مقدرش فبعت جسار ابنو بداله
جسار وقتها بقى يجي عندنا يوميا وكنت اشوفو على طول وعجبتني شخصيتو جدا ...كنت اقف من بعيد واسمعهه وهو بيتكلم مع بابا ...وافضل بالساعات واقفه من بعيد اتفرج عليه كنت لما اجي اسلم عليه احس انه مش شايفني اصلا لاني كنت صغيره وقتها بس كانت اجمل لحظه بتعدي عليا لما ېلمس ايدي
كان بيسمعها پصدمه شديده من كلامها وهي بتبص له بعشق واضح وكملت وقالت.... من وقتها حبيته قوي وكنت اسيب المدرسه واقعد استناه....و قلبي احسو هيقف يوم ما يعتذر ويقول مش هيجي ...حتى اني كنت اروح واخد اكل للعمال بنفسي مع ان بابا كان يقول لي ابعتيه مع واحده من الخدم بس كنت اروح يمكن يشوفني او ياخدبالو ليا
كانت الدموع بتلمع في عينيها وهي بتبص له وناسيه الدنيا وناسيه كل اللي حواليها كانها بتعترف له هو وبس بمشاعرها لحد ما فاقوا على صفير حواليهم وبيقولو....سيدي يا سيدي يا سلام على
الحب 
حسناء انتبهت على صوتهم نزلت عيونها بكسوف 
جسار كان بيبص لها ومش عارف يحرك عيونه من عليها
واحده من البنات قالت بفضول..وانبي تكمل انت يا جسار وتقول امتى خدت بالك لحبها ده
اتنهد بحزن وما قدرش يقول انه لحد دلوقتي ما حسش بيها مسك ايدها وقال.... معلش يا جماعه احنا هندخل ننام... تعبنا من السفر ...بس