سكن الروح (حواديت ملك)ملك ابراهيم

من المحال ف حياتنا اتشقلبت بعد وفاه ماما .. مما اضطر بابا انه يتجوز .. الحقيقه انه اتجوز واحده طيبه بس كان معاها ابنها .. وتعدي سنين وسنين لحد م بابا كمان ټوفي وهي بعديه ب 7 شهور علطول .. ومتبقاش غيري انا واستاذ كلاحه السمج ده!!
الحقيقه انه مستفز فوق ما اي حد يتوقع .. صوته علطول عالي .. بيكره الموسيقي والهدوء والروايات .. مش بيعدي ربع ساعه من غير ما نتخانق .. بيعمل مشاكل مع حراس البيت والراجل اللي بيعملنا الاكل .. حاجه كده قمه السخافه .. كله كوم ومحاولاته المستميته انه يجوزني عشان ياخد البيت دي كوم تاني
بصيت من الشباك علي الجنينه .. كان شكلها حلو اوي .. الحقيقه ان البيت اصلا شكله حلو اوي .. من حوالي 100 سنه كان فيه هنا قريه كبيره والحاكم بتاع القريه دي كان عايش في قصر صغير كده بس قصر مهما كان .. و بعدين القريه دي اختفت والبيوت اتهدت وطلع شجر مكانها ومبقاش فيه اي حد الا ع بعد محتاج حوالي ساعه مشي كده .. واتبقي القصر ده في وسط الشجر اللي بدأ يبقي غابه .. مما ادي انه سعره يقل عشان موقعه ف بابا اشتراه وعشنا فيه .. وحاليا انا المفروض اتجوز عشان البيه ياخد البيت يشبع بيه!!
خرجت بليل ع الساعه 10 عشان اعمل شاي بلبن في رحله طويله من الاوضه للمطبخ وانا خلقي ضيق الصراحه يعني ..  الدنيا مرعبه اوي بره من الضلمه .. كنت معديه من جمب الباب الرئيسي ف سمعت اصوات بتتهامس .. استخبيت ورا الستاره وبصيت من الشباك عشان اعرف بيقولوا ايه
اتكلم بتوتر اديني فتره اقنعها بس
مفيش فترات .. انا سايبك بقالي فتره وانت كل شويه تقول رفضت .. اخر كلام لو محصلش اللي عايزه ھقتلك
لا لا متخافش اسبوع بس وهي هتوافق
مفيش اسبوع حتي .. كتب الكتاب بكره وده اخر كلام عندي
الواطي!! عايز يجوزني عشان عليه فلوس وكمان ياخد البيت!! يا بجاحته والله! مشيت براحه جدا ناحيه المطبخ عشان اعمل الشاي بلبن .. هو عشان اكتشفت انه هيجوزني بالعافيه مش هشرب شاي بلبن يعني ولا ايه!!
صحيت تاني يوم وانا ناويه اخرج من البيت ومرجعش غير تاني يوم واخلص من الجوازه دي .. نزلت عشان اخرج بس الباب كان مقفول كويس ومش عارفه افتحه بأي شكل!!
فتحت باب اوضته وزعقت انت قافل الباب ليه! 
رد بأستهزاء طب ارمي السلام حتي 
انا لو رميت حاجه ف هرمي الفازه دي في وشك
طب ابقي اعمليها 
متحاولش تشتتني قافل البيبان ليه!!
اهو رخامه 
م ناحيه الرخامه ف انت رخم انا عارفه بس دي مش