زوجه بلا ضمير
المحتويات
حكايتى الغريبه بدأت وانا سنى ١٩ سنه انا اسمى ساره من
أسره متواضعه بابا كان بيشتغل سواق في شركه ووالدتى ربه
منزل رغم انى كنت شاطره في الثانوى برغم ان اهلي مكنش
معاهم فلوس يدونى دروس الا انى جبت مجموع كويس
وكنت ھمۏټ من الفرحه لكن يافرحه ماتمت بابا قالي انه مش
هيقدر يدخلنى تعليم عالي ودخلت معهد سنتين والحمدلله
اجهز بها نفسي لانى عارفه ان الجاى على قد اللي رايح وبابا
مش هيقدر يجهزنى ومرت الايام وفي يوم لقيت بابا بيقولي
تعالي يا ساره عايزك في موضوع
ساره خير بابا!
اسماعيل بفرحه وبدون مقدمات جايلك عريس مهندس ومن عيله كبيرة ومرتاحين قوى
انا الفرحه اخدتنى عريس!! يعنى هحب واتحب وفستان ابيض وفرح كل الافكار دى دارت في عقلي بسرعه الصاروخ بس الصاروخ ده ۏقع علي دماغي بعدها بخمس ثوانى
ساره بس احنا ناس علي قدنا يابابا وكمان واحد مهندس ومن عيله غنيه مااتجوزش واحده من عيله كبيره زيه ليه !
اسماعيل بصراحه يابنتى هو عنده مشكله صغيره وانا عارف ان عقلك كبير وهتستوعبى كلامى
ساره بمرح خير ياحاج اسماعيل فرحنى العريس ده أحول ولا ايه !
اسماعيل ههههه لا مش للدرجه دي بصي ياحبيبتي محدش كامل بصراحه العريس عنده اعاقه في ايده اليمين
ساره پضېق شديد هو مين اللي جاب العريس ده!
ساره وعنده كام سنه العريس ده إن شاء الله!
اسماعيل عنده ٣٣ سنه
اتأكدت وقتها ان محدش بيوافق عليه من بنات العائلات الكبيرة ماهو واحد مهندس وغنى ايه اللي يقعده ل٣٣ من غير جواز
ساره بس انا مش موافقه يا بابا
ساره بزهق حاضر يابابا اللي تشوفه
قمت الصبح علي حركه كتير في البيت وكنا بدرى لقيت ماما واختى سما قالبين البيت ونازلين تنفيض وتنضيف
ساره خير ياجماعه ايه النشاط المفاجئ ده
سما بفرحه طفوليه عشان عريسك جاى النهارده يا عروسه
ماما تعالي معايا شوفي خالتك ام هدى جارتنا بعتالك طقم جميل من بتوع هدى اللي بتروح بيهم الجامعه ادخلي قسيه بسرعه
ساره بعدم اهتمام ولازمتها ايه نستلف هدوم من الناس كنت هقابله بأى حاجه من عندى ماهما جاين وعارفين اننا علي قدنا
ماما روحى بس يا ساره قسيه واسمعى كلامى يابنتى
وفي المعاد المحدد وصل العريس ووالدته بصراحه مشاعرى كانت متخلبطه كسوف علي زهق علي تردد أول ماعينى جت ع العريس وعينه جت في عنيا حسيته مغرور حتى ماكلفش خاطره وابتسم في وشى كانت نظراته حاده لدرجه خوفتنى منه عكس والدته كانت
بشوشه وماحسستناش ان جايه من مستوى عالي عننا وسلمت عليا پحړړھ
زهره والده العريس ماشاءالله تبارك الله ايه القمر اللي هل علينا ده !
وعدت المقابله وهو ساكت معظم الوقت لدرجه انى حسيت انه جاى ڠصپ عنه
وانا محتاره وخاېفه وبابا وماما عمالين يزنوا ويغرونى بالمستوى المادى اللي هوصله لما اتجوزه
زهره ايه رأيك
متابعة القراءة
